بخصوص الدراسه اون لاين لجميع المراحل _ اعرف ها تعمل ايه على السنه الجديده
الكلام دا مهم لأي حد في مرحلة ماقبل الجامعي.
المذاكره اونلاين وتوفر فلوس الدروس ومجموعات التقوية، البوست دا هيعرفك ازاي تذاكر على النت بدون ماتحتاج مساعدة.
ليه اذاكر اونلاين؟
1- مصاريف الدروس غالية وممكن توفرها او تستثمرها في حاجة أفيد
2- تحت أي ظرف، سواء الطقس سئ او المدرس عيان او أنت شخصيا عيان ومش قادر تقوم من على السرير، المذاكرة الأونلاين موجودة معاك طول الوقت، حتى لو مسافر
3- لو الدروس بعيدة وأنت بتقضي وقت عشان تروح للسنتر أو المدرسة
4- تنوع المصادر، لو كملت البوست هتلاقي أكتر من مصدر مذاكرة وكذا طريقة شرح
5- وأنت قاعد بكوباية القهوة فأوضتك بلامؤاخذة البوكسر، مش مضطر تلبس وتنزل والهيصة دي
طيب ياسيدي، ايه المصادر اللي ممكن اذاكر منها؟
هنقسم المصادر لأربعة اقسام، المصادر من الوزارة، مصادر على الأنترنت، مصادر على يوتيوب، مصادر على الموبايل.
المصادر من الوزارة:
مبدئيا عندك موقع study.ekb.eg ودا هيتيحلك مناهج بالفيديو وكمان اسئلة تفاعلية بالتعاون مع دار نشر نهضة مصر وكمان شرح تفاعلي مع صوت وصورة تشرح "زي قواعد النحو مثلا"، عندك كمان خانة بحث عشان تدور على حاجة معينة وطبعا ممكن تختار السنة من الصف اللي على الشمال.
ثانيا عندك منصة البث المباشر stream.moe.gov.eg وهيتيحلك انك تتقابل مع مدرسين طبقا لجدول موضح على الموقع من خلال برنامج Cisco Webex "عامل زي Zoom كدا"، بتختار المرحلة الدراسية والصف الدراسي وتشوف جدولك.
ثالثا عندك موقع الوزارة خاص بالمناهج ودا لو عاوز تنزل مناهج او كتب المدرسة بصيغة PDF غير شوية تدريبات ودا الموقع
مصادر على الأنترنت:
كتيرة، ممكن نقول أن www.aladwaa.com من أفضلهم، فيه المناهج وتدريبات وامتحانات وبتتصحح ألكترونيا وبتطلعلك النتيجة ولو فيه اجابة غلط هيقولك الأجابة الصح، فيه بنك اسئلة وفيه ميزة "اسأل الأضواء" ودي بتتيحلك أنك تسأل اي سؤال في أي مادة. كل ماتحل أكتر وتبقى نشيط على الموقع، هيجيلك نقاط ممكن تبدلها بهدايا زي المجلات والباوربانكس وكتب وممكن تبني لنفسك اختبارات وتحلها وهتتصحح.
فيه كمان نون أكاديمي www.noonacademy.com ، ممكن تنضم لحصص وتتفاعل مع المدرسين وبيبقى لكل حصة معاد وممكن تنضم وكل دا بالمجان.
مصادر على يوتيوب:
عندك قناة الأسكولة:
عندك "ذاكرلي انجلش":
عندك "بسطتهالك":
عندك "مصر التعليمية":
عندك "مقهى الرياضيات":
عندك "نتعلم بالراحة":
عندك "اكاديمية التحرير":
عندك "يلا نفهم ماث":
عندك "انا حر":
عندك "أحمد الباشا علوم لغات":
وفيه أكتر من كدا كمان ولكن هنكتفي بدا
مصادر على الموبايل:
أفضلهم، لأني هتكلم عن ابلكيشن مميز جدا اسمه "اشطر - Ashtar" ودا برنامج انا شخصيا بذاكر منه بيديك المنهج فيديو واسئلة وتصحيح ولو كانت صح فـليه صح ولو كانت غلط هيقولك الصح وليه وشوية ملفات اختصار او نقاط مهمة للمنهج وكمان تدريبات "20 سؤال على سبيل المثال" في درس واحد او كذا درس وبيدعم نظام التعليم الحكومي والـInternational وبيوفر مناهج "بالتدريبات طبعا" للغة العربية والانجليزي والرياضيات والعلوم والدراسات الاجتماعية سواء كنت حكومي عام او حكومي لغات وعندك leaderboard عشان تتنافس مع طلبة تانيين مين فيهم "الأشطر" وعدد النقاط ودا يعتبر score ليك وكمان تقارير عن الأسئلة اللي جاوبتها صح واللي جاوبتها غلط
بالتوفيق ياشباب :)
تعليقات
إرسال تعليق