بناء على طلب الزملاء حساب مكافاة الامتحانات ال (٢٠٠ يوم ) بشكل سهل - 2021
بناء على طلب الزملاء حساب مكافاة الامتحانات ال ٢٠٠ يوم بشكل سهل
اولا خصم التأمينات
التأمينات زادت هذا العام بدايه من يناير بنسبة 15% فأصبح الحد الأقصى للاشتراك الشهرى للتأمينات (الاجر التأمينى) أصبح ٨١٠٠ جنيه بدلا من ٧٠٠٠ جنيه
وكان خصم التأمينات العام الماضى ٧٧٠ جنيه شهريا ودلوقتي أصبح ٨٩١ جنيه شهريا وديه حصة المؤمن عليه بخلاف حصة الحكومه
وطبعا كلنا الاجر الشامل أقل من الحد الاقصى للاشتراك الشهرى (الاجر التأمينى) ٨١٠٠ جنيه ومازاد عن ٨١٠٠ جنيه معفى من التامينات
لو إجمالى دخلك (الاجر الشامل)أقل من الاجر التأمينى(اجر الاشتراك) ٨١٠٠ جنيه وتم صرف مكافاة امتحانات او خلافه يتم خصم التأمينات من قيمة المكافأة
ولو إجمالى دخلك أكبر من الاجر التأمينى (اجر الاشتراك) ٨١٠٠ جنيه قبل إضافة مكافاة الامتحانات لايتم خصم التأمينات من قيمة المكافأة
وديه قوانين وسياسة دوله لادخل للجهه الاداريه بها تنفذها فقط
اى شئ يصرف تحت بند مكافأت اومنح بيعتبر أجر وبالتالى بيخصم ضرائب وتأمينات
ثانيا خصم الضرائب
بالنسبه لمنح ومكافأة الامتحانات بيعتبر حافز له صفة العموميه اوبيصرف بصفه جماعيه دوريه لمره واحده اواكثر من مره فى السنه وده بيخصم الضرايب بعيدا عن المرتب حتى لاتؤثر على الشريحه الشهريه لانها بالفعل غير مؤثره على الشريحة السنويه وبالتالى بيتم خصم ٢.٥% مباشرة من اللى مرتباتهم بتقع فى الشريحه الثانيه ، وكذا ١٠% مباشرة من اللى مرتباتهم بتقع في الشريحة الثالثه وآخر السنه بعد عمل المقاصه والتسويه بيتم رد فروقات الضرايب ان وجدت
اصحاب الدخول إللى بتقع فى الشريحه الثانيه اضرب ال٢.٥% فى مكافأة الامتحانات لوحدها
أصحاب الدخول إللى بتقع فى الشريحه الثالثه اضرب ال ١٠% فى مكافأة الامتحانات لوحدها
بخلاف كده اى شئ يصرف تحت بند مكافأت اومنح بيعتبر أجر وبالتالى بيخصم ضرائب وتأمينات
وديه قوانين وسياسة دوله لادخل لجهتك الادارية بها تنفذها فقط
مثال لو مكافأة الامتحانات ٢٥٠٠ جنيه
حتضاف وتخصم حصة التأمينات إللى بيدفعها الحكومه عن المؤمن عليه ١٧.٢٥%
حصة الحكومه = ٢٥٠٠ × ١٧.٢٥% = ٤٣١.٢٥ جنيه
اجمالى المكافاه بعد اضافة حصة الحكومه = ٢٥٠٠ مكافأة + ٤٣١.٢٥ حصة الحكومه = ٢٩٣١.٢٥ جنيه
اما حصة التأمينات إللى بيدفعها المؤمن عليه =
٢٥٠٠ × ١١% = ٢٧٥ جنيه
الدمغه = ٢٥٠٠ - ٢٧٥ - ٥٠ إعفاء = ٢١٧٥جنيه
حساب الدمغه = ٢١٧٥ × ٧.٥ فى الألف = ١٦.٣٥ جنيه
ذى ما خصمنا التأمينات والدمغه يجب خصم النقابه لأنها معفاه بقانون طبقا للماده ١٣ من قانون الضريبه على الدخل
النقابه= ٢٥٠٠ × ٢% = ٥٠ جنيه
حساب الضريبه = ٢٩٣١.٢٥ (مكافأة +حصة الحكومه) - ٤٣١.٢٥ حصة الحكومه - ٢٧٥ حصة المؤمن عليه من التأمينات - ٥٠ نقابه - ١٦.٣٥ الدمغه = ٢١٥٨.٦٥ جنيه
حضرتك بتقع فى الشريحه الثانيه ٢.٥% تضرب مباشرة (بدون خصم الشريحه الأولى المعفاه + الإعفاء الشخصى )
حساب الضريبه = ٢١٥٨.٦٥ × ٢.٥% (نسبة الضريبه) = ٥٣.٩٧ جنيه
فى النهايه
اى شئ يصرف تحت بند مكافأت اومنح بيعتبر أجر وبالتالى بيخصم ضرائب وتأمينات
دى حاجه خارج سياسة وزارتك لأنها مطالبه بتطبيق أحكام وقوانين وسياسات الدوله بخصم التأمينات والضرائب للاسف منقدرش نخدم الموظف وساعتها بنقول للموظف احنا اسفين مش حنقدر نساعدك
منقووول ................ من جروب ( موظفى الجهاز الادارى بالدوله)
تعليقات
إرسال تعليق