بخصوص ضريبه الكسب واللى الفتره دى الناس اتكلمت عن استردادها على مواقع التواصل الاجتماعى _ تعالى نشوف حقيقه ام خداع 2022
ضريبه كسب العمل .. ودى ضريبه مستقطعه
عن الأعمال الزائده عن ما تقتضيه اللوائح والقوانين
ف يأخذ عنها ضريبه ويمكن فى فتره من ثلاث سنوات
كنا بنلاقى المكافاه بتاعت الامتحانات بتقل أو كان فى مبلغ
كبير بيخصم مره واحده منها .....
وعليه نرجع لسنه 2000 وما بعدها لما وزراه الماليه
أصدرت قرار بخصوص ضريبه الكسب
وقالت يمكن للعاملين بالدولة تقديم نموذج استرجاع
مبالغ ضريبه الكسب وبالفعل وقتها ناس كتيره
بما فيهم أحد قريياتى كانت تعمل بسنترال
الاوبرا استرجعت حوالى (40 الف ج )
ووقتها كتير اوى كانوا بيملؤ نموذج كده وبيقدموه لوزاره
الماليه وليس الضرائب علشان بس يبقى كلامنا واضح
ولما حد وقتها من التربيه والتعليم قدم اترفض الطلب
وصدر قرار بإيقاف الصرف .. واتجهه الساده الزملاء فى وزاره التربيه والتعليم
لرفع قضايا لصرف قيمه ضريبه الكسب ولكن جميع الأحكام كانت بتطلع
بنفس الصيغه قبلت شكلا ورفضت موضوعا وعليه المحامى بياخد اتعابه
عن رفع القضايا فقط لأن كده العميل لما يسترد المبالغ المطلوبه
والمستحقه وطبعا المحاميين الكبار كانوا بيرفضوا ياخدوا القضايا دى
لكن البعض الآخر كان بيطلب عملاء أكثر لرفع عدد قضايا اكتر وبالتالى
نسبه أتعاب المحاماه بتزيد مع العدد ولكن مافيش قضيه بتصرف فلوس
ويتكون العباره المعهودة ( قبلت شكلا ورفضت موضوعا ) ....
وتتكرر للموضوع ده الايام السابقه واكتر من حد بيورينا الحكم
لكن مافيش حد ورانا شيك الفلوس أو ما يثبت ذلك إذا كان حاليا
الصرف بيتم عن طريق الفيزا .... وذهبت بالفعل لأحد المحاميين
المشهورين من حوالى سنه وسألته فقال بالنص .... مافيش حد فئ التربيه والتعليم
كسب القضيه دى وعلشان كده انا مش بحب ارفعها علشان سمعه المكتب اى عميل
بيرفع قضيه بيكون عاوز فلوس واكيد انا عاوز أتعاب يبقى ليه اشتغل فى حاجه
مافيهاش فلوس؟
بعدها فى سنه 2013 احد الزملاء معنا خرج معاش وراح الاداره واتكلم فى ضريبه
كسب العمل واتكلم فى فلوس الإجازات ( لانهم وقتها أصدروا قرار بوقف قضايا الإجازات)
وقالوا ممكن بدون قضيه تروح قسم الإجازات ف الاداره وتسترد اجازاتك فلوس بشرط
تاخد الاداره التعليميه قسم الحسابات تلت المبلغ بدون رفع قضايا
ف الزميل لما راح قالوا وحسب لك ضريبه كسب العمل وفوجدوا عليه فلوس
مش ها ياخد وده لاشتراكه فى جميع اعمال الامتحانات ( بيسموها الأجور المتغيره )
وزمان كان ممكن للمعلم يروح ثانويه واعدادايه ودبلومات وتصحيح علشان لما يطلع معاش
بيضاف اخر خمس سنوات اشتغلهم اعمال اضافيه بيستردهم على قيمه المعاش
طبعا دلوقت ده بيصرف شهريا وبقيم مختلفه وع حساب قيمه المبالغ ولها شروط
وفى ادرات بتصرفها مره واحده وإدارات بتصرفها موزعه على شهور السنه
ملخص الموضوع مافيش ضريبه كسب هاةتصرف بل بالعكس من حوالى ثلاث سنوات
اخدوا فتره يخصموا الضريبه دى من لى مبلغ كبير بتاخده وكانت دائما بتخصم
من مكافئه الامتحانات .... والله اعلم
وده نص خطاب موجه لوزاره التربيه والتعليم فى إحدى المحافظات لما كثره الكلام فى الموضوع
وده كان ردها ..... واى حد معه مستندات صرف بالفعل وصرف ممكن ينزلها لكن دى كل
المعلومات الحقيقه عن موضوع ضريبه كسب العمل وده مستند فيه رد على الموضوع
من مصلحه الضرائب نفسها
تعليقات
إرسال تعليق