طريقه كتابه رغبات الثانويه العامه ٢٠٢٥ فى ١٠ خطوات - ادعمنا بلايك وشير ومتابعه - الشرح بالصور
كتابة الرغبات في 10 خطوات فقط..
كتابــــــــة رغبات الثانوية العامة 2025
البوست دا طويل شويــة بس فى كل التفاصيل
عن كتابه الرغبات + التوزيع الجغرافى والأقليمى
لازم لازم تبص على البوست دا علشان تعرف
تكتب رغباتك
البوست دا هيمشى مع ال 3 مراحل للتنسيق
مش الأولى فقط.
- أول خطوه هعرف إزى أنا تبع المرحله
الأولى ولا لا ؟
قبل بداية المرحلة الأولى هينزل منشور
رسمى من الوزارة بالحد الأدنى للمرحله الأولى
لكل شعبة لو مجموعك داخل فى المرحلة يبقى
من حقك تدخل تنسيق المرحله الأولى غير
كدا هتنتظر التانية
كتابــــــــــــــــــــــــــــــــــة الرغبات
1- هتدخل على الموقع الخاص بالتنسيق
لما الموقع يفتح ( لسة هينزل)
شكل الموقع لما المرحلة الأولى تفتح هيبقى
كدا ( صورة رقم 1 )
2- بعد كدا هتضغط على ( الدخول للصفحة )
هتظهرلك ( صورة رقم 2 )
البيانات كلها واضحه فى الصورة دا ماعدا الرقم
السري فى ناس ممكن متعرفش هو فين !!!!
هتلاقى الرقم السرى موجود فى استمارة النجاح
اللى أنت جايبها من المدرسة ( شوف صورة رقم 3 )
3- بعد ماتضغط على الخطوه التالية هتدخل
صفحة جديدة
لو أنت اول مرة تدخل تكتب الرغبات هتظهرلك
الصورة رقم ( 4 )
هتتاكد من البيانات بتاعتك عادى وبعدين تدخل
على الخطوة التالية
اما اذا كنت كاتب رغباتك وعايز تعدلها
هتظهرلك ( صوره رقم 5 )
تنوية كتابة الرغبات بتستمر 3 أيام يحق
للطالب تعديل الرغبات خلال ال 3 أيام
عند التعديل هتظهرلك صوره رقم ( 5 )
4- بعد ما تضغط على الخطوه التالية هتظهرلك
صوره لو ضغط على التخصص زى صوره رقم ( 6 )
استعراض كل الكليات أو المعاهد المندرجة
تحت التخصص يعنى كليات علمى رياضه
مثلا هتظهرلك زى صوره رقم ( 7 )
او لو ضغطت
الاختيار بالجامعات، ثم استعراض كل الكليات
المندرجة تحت الجامعة. زى صوره رقم ( 8 )
كدا يبقى أنا حدد طريقه اضافه الكليات
إما بالتخصص وتظهرلى كل الكليات الخاصة
.بالشعبة بتاعتى فى كل جامعة
او عن طريق الجامعة وأنا أضيف الكليه فى
الجامعة ثم اغير الجامعة واختر الكليه وهكذا
الأفضل اختار التخصص وريح دماغك
( الخلاصه يعنى )
ركز بقى فى اللى جاى
قدامى 70 رغبه أو اكتر لازم اكتبهم السؤال
هنا هتكتبهم ازاى؟
هنكتب الرغبات طبقا للتوزيع الجغرافي
#مثال أنا طالب من القاهره وعايز اكتب أول
رغبه عندى حاسبات ومعلومات
يبقى أبص للتوزيع الجغرافى اللى هو بيقولى
لازم تكتب
لازم تكتب مجموعة ( أ ) الأول ثم مجموعة ( ب )
يكتب هتكتب كدا بالترتيب
1- حاسبات ومعلومات القاهره
2- حاسبات ومعلومات عين شمس
3- حاسبات ومعلومات حلوان
4- حاسبات ومعلومات بنها
5- حاسبات ومعلومات الفيوم
وبعد كدا باقى المحافظات حاسبات ومعلومات
من الأقرب للأبعد أى حاجة غير كدا الموقع
هيقولك خطأ فى التوزيع الجغرافى زى
صوره رقم ( 8 )
ودى برضوا تفاصيل التوزيع الأقليمى الكليات
اللى مش موجوده اللى فى محافظات معينه
اقدر ادخل اى فيهم
بعد حاسبات ومعلومات تدخل على الكلية اللى
عايزها التانية
فى مجموعة أ الاول ثم ب ثم باقى المحافظات
وهكذا لحد ماتكمل كل الرغبات
5- بعد ماتضغط الخطوه التالية هتظهرلك
الصوره رقم ( 10 )
هتتاكد من بياناتك ثم تضغط تسجيل
6- هتظهرلك صوره أخيره بالتسجيل بتاعك
وبياناتك الأفضل انك تطبعها وتخلى صورة
منها معاك الافضل يعنى
وبكدا يابطل أنت سجلت رغبات وفى انتظار
نتيجة التنسيق بعدها باسبوع علشان نقولك
مبروك تم قبولك فى الكليه كذا.
اعمل لايك وشير ومتابعه ليصلك كل جديد
تعليقات
إرسال تعليق